ସତ୍ୟଶିଖା(ଭୁବନେଶ୍ୱର ) ୨୪.୧୨.୨୦୨୧: ରାଜ୍ୟରେ ଦିନକ ମଧ୍ୟରେ ୧୪୧ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିସହିତ ଦିନକ ମଧ୍ୟରେ ୧୭୨ ଜଣ କରୋନା ସଂକ୍ରମଣରୁ ସୁସ୍ଥ ହୋଇଛନ୍ତି। ନୂଆ ଆକ୍ରାନ୍ତଙ୍କ ମଧ୍ୟରେ ସଂଗରୋଧରୁ ୮୪ ଓ ସଂଗରୋଧରୁ ୫୭ ଜଣ ରହିଛନ୍ତି। ସେମାନଙ୍କ ମଧ୍ୟରେ ୧୮ ବର୍ଷରୁ କମ୍ ବୟସର ୧୯ ଜଣ ଅଛନ୍ତି। ଅନୁଗୁଳରୁ ୨, ବାଲେଶ୍ୱର ୧, ବଲାଙ୍ଗିର ୧, କଟକ ୧୨, ଦେବଗଡ ୯, ଢେଙ୍କାନାଳ ୩, ଗଞ୍ଜାମ ୩, ଜଗତସିଂହପୁରରୁ ୪ ଚିହ୍ନଟ ହୋଇଛନ୍ତି। ଯାଜପୁରରୁ ୪, ଝାରସୁଗୁଡା ୨, କେନ୍ଦ୍ରାପଡା ୧୦, କେନ୍ଦୁଝର ୧, ଖୋର୍ଦ୍ଧା ୫୮, ମୟୁରଭଞ୍ଜ ୩, ନୟାଗଡ ୧, ନୂଆପଡା ୩, ପୁରୀ ୧, ସମ୍ବଲପୁର ୪, ସୁନ୍ଦରଗଡ ୮ ଓ ଷ୍ଟେଟପୁଲରୁ ୧୧ ଜଣଙ୍କୁ ଚିହ୍ନଟ କରାଯାଇଛି। ରାଜ୍ୟରେ ମୋଟ ୧୦୪୩୩୯୧ ଜଣ କରୋନାରୁ ସୁସ୍ଥ ହୋଇସାରିଲେଣି। ସଂପ୍ରତି ୧୭୫୧ ଜଣ ସକ୍ରିୟ ସଂକ୍ରମିତ ଅଛନ୍ତି।
ସୂତ୍ର ଅନୁସାରେ, ରାଜ୍ୟ ସରକାରଙ୍କୁ ଚିଠି ଲେଖି ମାର୍ଚ୍ଚ ୮ତାରିଖ ପୂର୍ବରୁ ନିବାଚନ ପ୍ରକ୍ରିୟା ଶେଷ କରିବାର ଆବଶ୍ୟକତା ରହିଛି ବୋଲି ରାଜ୍ୟ ନିର୍ବାଚନ କମିଶନ ଜଣାଇବା ସହ ପଂଚାୟତ ନିର୍ବାଚନ ପାଇଁ ବିଜ୍ଞପ୍ତି ଡିସେମ୍ବର ୨୩ତାରିଖରେ ନିଶ୍ଚିତ ଭାବେ ପ୍ରକାଶ କରାଯିବ ବୋଲି ପ୍ରସ୍ତାବ ଦେଇଥିଲେ । ନିର୍ବାଚିତ ପଂଚାୟତ ସଂସ୍ଥାଗୁଡ଼ିକର ୫ବର୍ଷିଆ କାର୍ଯ୍ୟକାଳ ମାର୍ଚ୍ଚ ୮ ତାରିଖ ସୁଦ୍ଧା ଶେଷ ହେଉଥିବାରୁ ଡିସେମ୍ବର ୨୩ତାରିଖରେ ନିର୍ବାଚନ ବିଜ୍ଞପ୍ତି ପ୍ରକାଶ କରିବା ନିମନ୍ତେ ରାଜ୍ୟ ନିର୍ବାଚନ କମିଶନ ଚିଠି ଲେଖିଥିଲେ । ଯାହାଫଳରେ ମୋଟ ୭୫ଦିନ ଅବଧି ମଧ୍ୟରେ ପଂଚାୟତ ନିର୍ବାଚନ ପ୍ରକ୍ରିୟାକୁ ନିର୍ବାଚନ କମିଶନ ଶେଷ କରିଥାନ୍ତେ ।
