ସତ୍ୟଶିଖା (ନୂଆଦିଲ୍ଲୀ) ୦୫/୧୨/୨୦୨୦ : ଦେଶବାସୀଙ୍କୁ ପୁଣି ଝଟକା । ଲଗାତର ଦେଶରେ ବଢୁଛି ପେଟ୍ରୋଲ ଓ ଡିଜେଲ ଦାମ । ତେଲ କମ୍ପାନୀଙ୍କୁ ପକ୍ଷରୁ ପୁଣି ଥରେ ପେଟ୍ରୋଲ ଓ ଡିଜେଲ୍ର ଦର ବୃଦ୍ଧି କରାଯାଇଛି । ଶନିବାର ଦିନ ଡିଜେଲର ଦାମ ୨୪ ରୁ ୨୭ପଇସାକୁ ବୃଦ୍ଧି କରାଯାଇଥିବା ବେଳେ ପେଟ୍ରୋଲର ଦାମ୍ ୨୪ରୁ ୨୭ ପଇସାକୁ ବୃଦ୍ଧି କରାଯାଇଛି ।
ଆଇଓସିଏଲ୍ରୁ ମିଳିଥିବା ତଥ୍ୟ ଅନୁସାରେ ଶନିବାର ଦିଲ୍ଲୀରେ ପେଟ୍ରୋଲ ୮୩.୧୩ ଟଙ୍କା ରହିଥିବା ବେଳେ ଡିଜେଲ ଲିଟର ପିଛା ୭୩.୩୨ ଟଙ୍କା ରହିଛି। ମୁମ୍ବାଇରେ ପେଟ୍ରୋଲ ୮୯.୭୮ ରହିଥିବା ବେଳେ ଡିଜେଲ୍ ଲିଟର ପିଛା ୭୯.୯୩ ରହିଛି । କୋଲକାତାରେ ପେଟ୍ରୋଲ ୮୪.୬୩ ରହିଥିବା ବେଳେ ଡିଜେଲ୍ ଲିଟର ପିଛା ୭୬.୮୯ ରହିଛି । ସେହିପରି ଚେନ୍ନାଇରେ ପେଟ୍ରୋଲ ୮୬.୦୦ ରହିଥିବା ବେଳେ ଡିଜେଲ ଲିଟର ପିଛା ୭୮.୬୯ ରହିଛି ।
ଆପଣ ନିଜ ସହରର ପେଟ୍ରୋଲ୍-ଡିଜେଲର ଦାମ୍ ପ୍ରତିଦିନ S.M.S ଜରିଆରେ ଚେକ୍ କରିପାରିବେ । ଇଣ୍ଡିଆନ୍ ଅୟେଲର ଗ୍ରାହକ R.S.P<ଡିଲର କୋଡ> ଲେଖି 9224992249 ନମ୍ବରରେ ଏବଂ H.P.C.L ର ଗ୍ରାହକ H.P.P.R.I.C.E <ଡିଲର କୋଡ> ଲେଖି 9222201122 ନମ୍ବରରେ ପଠାଇ ପାରିବେ । ବିପିସିଏଲ୍ ଗ୍ରାହକ R.S.P<ଡିଲର କୋଡ> ଲେଖି 9223112222 ନମ୍ବରରେ ପଠାଇ ପାରିବେ ।
ପେଟ୍ରୋଲ୍ ଏବଂ ଡିଜେଲ୍ ଦାମରେ ଏକ୍ସାଇଜ ଡ୍ୟୁଟି,ଡିଲର କମିଶନ ଏବଂ ଅନ୍ୟ ଜିନିଷ ଯୋଡ଼ିବା ପରେ ଏହାର ଦାମ୍ ପାଖାପାଖି ୨ଗୁଣା ହୋଇଯାଏ । ବୈଦେଶିକ ମୁଦ୍ରା ଦର ସହ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳର ମୂଲ୍ୟ ଆଧାରରେ ପ୍ରତିଦିନ ପେଟ୍ରୋଲ୍ ଏବଂ ଡିଜେଲର ମୂଲ୍ୟରେ ପରିବର୍ତ୍ତନ ହୋଇଥାଏ । ଅୟେଲ ମାର୍କେଟିଂ କମ୍ପାନୀର ମୂଲ୍ୟର ସମୀକ୍ଷା ପରେ ପ୍ରତିଦିନ ପେଟ୍ରୋଲ୍ ଏବଂ ଡିଜେଲ୍ ମୂଲ୍ୟ ସ୍ଥିର କରିଥାଏ । ଇଣ୍ଡିଆନ୍ ଅୟେଲ୍,ଭାରତ ପେଟ୍ରୋଲିୟମ୍ ଏବଂ ହିନ୍ଦୁସ୍ତାନ ପେଟ୍ରୋଲିୟମ୍ ପ୍ରତିଦିନ ସକାଳ ୬ଟାରେ ପେଟ୍ରୋଲ୍ ଏବଂ ଡିଜେଲ୍ ଦରରେ ସଂଶୋଧନ କରି ନୂଆ ଦର ଜାରି କରିଥାନ୍ତି ।
