ସତ୍ୟଶିଖା ( ବ୍ରହ୍ମପୁର ) ୧୦ .୧୦.୨୦୨୦ : ୩ କୁଇଣ୍ଟାଲ ୯୯ କେଜି ଭାଙ୍ଗ ଜବତ ହେଲା । ଖଲ୍ଲିକୋଟ ଥାନା ଅନ୍ତର୍ଗତ ଭେଜିପୁଟ ଫାଣ୍ଡି ପୋଲିସ ଚଢ଼ାଉ କରି ୩ କୁଇଣ୍ଟାଲ ୯୯କିଲୋ ଗ୍ରାମ ଭାଙ୍ଗ ସହ ମହୀନ୍ଦ୍ରା ଯାଇଲୋ ଗାଡ଼ି ଜବତ କରିଥିବା ବେଳେ ଡ୍ରାଇଭରକୁ ଗିରଫ କରିଥିବା ଜଣାପଡିଛି । ଆସିକାରୁ ପୁରୀ ଅଭିମୁଖେ ଯାଉଥିବା ଏକ ମହୀନ୍ଦ୍ରା ଯାଇଲୋ ଗାଡ଼ି ନମ୍ବର OR13H6341 ରେ ଚୋରା ଭାଙ୍ଗ ଚାଲାଣ ହେଉଥିବା କୌଣସି ସୂତ୍ରରୁ ଖବର ପାଇଥିଲେ ପୋଲିସ୍ । ଭେଜିପୁଟ ଫାଣ୍ଡି ଅଧିକାରୀ ପୂର୍ଣ୍ଣ ଚନ୍ଦ୍ର ପ୍ରଧାନ, କନେଷ୍ଟବଳ ସୀମାଦ୍ରୀ ପ୍ରଧାନ, ସୁଦର୍ଶନ ଜେନା ପ୍ରମୁଖ ଚଢ଼ାଉ କରି ଗାଡିରେ ୩ କୁଇଣ୍ଟାଲ ୯୯ କେଜି ଭାଙ୍ଗ ଜବତ କରିଛନ୍ତି । ପୋଲିସ ଅଭିଯୁକ୍ତମାନଙ୍କୁ ଗିରଫ କରି କେସ ନମ୍ବର ୪୩୪/୨୦୨୦ ଅନୁସାରେ ଏକ ମକଦ୍ଦମା ରୁଜୁ କରିଛି ।
