ସତ୍ୟଶିଖା( ନୂଆଦିଲ୍ଲୀ )୧୦.୦୨.୨୦୨୨ : ଦେଶରେ କମୁଛି କରୋନା ସଂକ୍ରମଣ । ଏହାକୁ ଦୃଷ୍ଟିରେ ରଖି ଦେଶର ବିଭିନ୍ନ ରାଜ୍ୟରେ ସ୍କୁଲ ଓ କଲେଜ ଗୁଡ଼ିକ ଖୋଲି ସାରିଲାଣି । ସଂକ୍ରମଣ କମିଥିବାରୁ ବର୍ତ୍ତମାନ ସମସ୍ତ କର୍ମଚାରୀଙ୍କୁ ଅଫିସକୁ ଆସି କାର୍ଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର । ଏହାରି ଭିତରେ କରୋନା କଟକଣାକୁ ନେଇ ଆଉ ଏକ ପ୍ରଶ୍ନ ଉଠିଲାଣି । କୁହାଯାଉଛି କି ଟିସିଏସ୍, ୱିପ୍ରୋ, ଇନଫୋସିସ୍ ଏବଂ ଏଚସିଏଲ ସମେତ ଅନ୍ୟାନ୍ୟ କମ୍ପାନୀରେ ଅଫିସରୁ କାର୍ୟ୍ୟ କେବେ ଆରମ୍ଭ ହେବ ? ଘରୋଇ କମ୍ପାନୀ ଗୁଡ଼ିକ କେବେ ସମ୍ପୂର୍ଣ୍ଣ ମାତ୍ରାରେ ତାଙ୍କର କାର୍ଯ୍ୟାଳୟ ଖୋଲିବେ ସେ ନେଇ ପ୍ରଶ୍ନ ଉଠିଲାଣି ।
ନିକଟରେ କର୍ମଚାରୀ, ଜନସ୍ୱାସ୍ଥ୍ୟ ମନ୍ତ୍ରୀ ଜିତେନ୍ଦ୍ର ପ୍ରସାଦଙ୍କ ଅଧ୍ୟକ୍ଷତାରେ ଏକ ବୈଠକ ବସିଥିଲା । ବୈଠକରେ କୁହାଯାଇଛି କି ବର୍ତ୍ତମାନ କରୋନା ସଂକ୍ରମଣ ହ୍ରାସ ପାଉଛି । ତେଣୁ ପୂର୍ଣ୍ଣ କ୍ଷମତାରେ କେନ୍ଦ୍ରୀୟ କାର୍ଯ୍ୟାଳୟ ଖୋଲିବାକୁ ନିଷ୍ପତ୍ତି ନିଆଯାଇଛି । ମନ୍ତ୍ରଣାଳୟ କହିଛି କି ଏଣିକି ସମସ୍ତ କର୍ମଚାରୀ କାର୍ଯ୍ୟାଳୟକୁ ଆସି କାମ କରିବେ । କୋଭିଡ କଟକଣା ଅନୁସାରେ କାର୍ଯ୍ୟାଳୟ ଚାଲିବ ।
ଟିସିଏସ୍, ୱିପ୍ରୋ, ଇନଫୋସିସ୍ ଏବଂ ଏଚସିଏଲ ପରି କମ୍ପାନୀ ଗୁଡ଼ିକ କିପରି ଚାଲିବ ସେନେଇ କିଛି ସୂଚନା ଦିଆଯାଇନାହିଁ । ଅଶା କରାଯାଇଛି କରୋନା ସଂକ୍ରମଣ କମିଥିବାରୁ ଖୁବଶୀଘ୍ର କାର୍ଯ୍ୟାଳୟ ଗୁଡ଼ିକ ଖୋଲାଯିବ । ଗତବର୍ଷ କୋଭିଡ ୧୯ ଶେଷ ବେଳକୁ ଟିସିଏସ କାର୍ଯ୍ୟାଳୟ ଖୋଲିବା ନେଇ ନିଷ୍ପତ୍ତି ନିଆଯାଇଥିଲା । ହେଲେ ଦେଶରେ ଓମିକ୍ରନ ଆସିବାରୁ ନିଷ୍ପତ୍ତିରେ ପରିବର୍ତ୍ତନ କରାଯାଇଥିଲା । ସେହିପରି ଏଚସିଲଏ କମ୍ପାନୀର କର୍ମଚାରୀଙ୍କୁ ଅଫିସ ଆସିବାକୁ ମଧ୍ୟ ବାରଣ କରାଯାଇଛି । କମ୍ପାନୀ କହିଛି, ଓମିକ୍ରନ ସଂକ୍ରମଣ ହ୍ରାସ ପରେ କାର୍ଯ୍ୟାଳୟ ଖୋଲିବା ନେଇ ନିଷ୍ପତ୍ତି ନିଆଯିବ । ଯେପର୍ଯ୍ୟନ୍ତ କରୋନା ସଂକ୍ରମଣ ସଂପୂର୍ଣ୍ଣ ରୂପେ ନକମିଛି ସେ ଯାଏ ଘରୁ କାମ କରିବାକୁ କମ୍ପାନୀ କହିଛି ।
ଅନ୍ୟପଟେ ଇନଫୋସିସ୍ ମଧ୍ୟ ଘରୁ କାମ କରିବାକୁ ପ୍ରାଧାନ୍ୟ ଦେଇଛି । ଇକୋନୋମିକ୍ ଟାଇମ୍ସରେ ପ୍ରକାଶିତ ଏକ ଖବର ଅନୁଯାୟୀ, ଇନଫୋସିସ୍ ଏଚ୍ଆର୍ ହେଡ୍ ରିଚାର୍ଡ ଲୋବୋ କହିଛନ୍ତି ଯେ କମ୍ପାନୀ ସ୍ୱାସ୍ଥ୍ୟ ସୁରକ୍ଷାକୁ ପ୍ରାଥମିକତା ଦେବ। କମ୍ପାନୀ ବିଶ୍ୱାସ କରେ ଯେ କାର୍ୟ୍ୟର ଏହି ହାଇବ୍ରିଡ୍ ମଡେଲ୍ ଆଗାମୀ ଅନେକ ବର୍ଷ ପାଇଁ ପ୍ରଯୁଜ୍ୟ ହେବ । ଏହା ସହିତ ଆଶା କରାଯାଏ ଯେ ଇନଫୋସିସ୍ ଏହାର କର୍ମଚାରୀମାନଙ୍କୁ ଶୀଘ୍ର ଅଫିସକୁ ଡାକିବ ନାହିଁ କିମ୍ବା ଏହା ଶୀଘ୍ର ହୋମରୁ କାମ ଶେଷ କରିବ ନାହିଁ ।
