ଘରୁ ହସ୍ପିଟାଲକୁ ସ୍ଥାନାନ୍ତରିତ ହେଲେ ବ୍ରିଟେନ୍ ପ୍ରଧାନମନ୍ତ୍ରୀ

ଲଣ୍ଡନ: କରୋନାରେ ସଂକ୍ରମିତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି ବ୍ରିଟେନ ପ୍ରଧାନମନ୍ତ୍ରୀ ବୋରିଶ ଜନସନ୍। ସେ ଏବେ ହସ୍ପିଟାଲରେ ରହିବେ ବୋଲି ତାଙ୍କ ସରକାରୀ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି। ୧୦ ଦିନ ତଳେ ସେ କରୋନାରେ ସଂକ୍ରମିତ ହୋଇଥିଲେ। ଜ୍ୱରରେ ଆକ୍ରାନ୍ତ ହେବାରୁ ରବିବାର ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ବ୍ରିଟେନବାସୀଙ୍କୁ ଘରେ ରହିବା ପାଇଁ ନିବେଦନ କରିବା ସହିତ ସରକାରଙ୍କ ନିୟମ ମାନିବାକୁ ବୋରିଶ ଜନସନ କହିଛନ୍ତି ବୋଲି ତାଙ୍କ ମୁଖପାତ୍ର କହିଛନ୍ତି।

#UK Prime Minister #BorisJohnson continues to remain in a hospital after he was admitted due to “persistent #coronavirus symptoms”, the Downing Street has confirmed. #Covid_19 pic.twitter.com/jfrgoOnPA3

— IANS Tweets (@ians_india) April 6, 2020

ଜନସନ ସଂକ୍ରମିତ ହେବା ପରେ ମଧ୍ୟ ଦାୟିତ୍ୱରେ ଥିଲେ। ନିଜ ବାସଭବନରେ ରହି ମନ୍ତ୍ରୀ ଏବଂ ସରକାରୀ କାମ କରୁଥିଲେ। ଏବେ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଯଦି ପ୍ରଧାନମନ୍ତ୍ରୀଙ୍କ ସ୍ୱାସ୍ଥ୍ୟାବସ୍ଥା ଖରାପ ହୁଏ ତାହେଲେ ସରକାର କିଭଳି ଚାଲିବ ସେ ନେଇ ସନ୍ଦେହ ପ୍ରକାଶ ପାଇଛି। ତାଙ୍କ ପ୍ରତିବଦଳରେ କିଏ ସରକାର ଚଳାଇବେ ସେ ନେଇ ଚିତ୍ର ସ୍ପଷ୍ଟ ହୋଇନି।

ତେବେ ଆଗାମୀ ଦିନରେ କୋଭିଡ-୧୯ର ମୁକାବିଲା ପାଇଁ ବ୍ରିଟେନ ସରକାରଙ୍କ ବୈଠକ ବସିବ। ଏହି ବୈଠକରେ ବୋରିଶଙ୍କ ଅନୁପସ୍ଥିତିରେ ତାଙ୍କର ବୈଦେଶିକ ସଚିବ ଡୋମିନିକ ରାବ ନେତୃତ୍ୱ ନେବେ ବୋଲି ଆକଳନ କରାଯାଉଛି।

ବ୍ରିଟେନେର ମଧ୍ୟ କରୋନା ସଂକ୍ରମଣ ବ୍ୟାପୁଛି। ଏଯାବତ ୪୭,୮୦୬ ଜଣ ଆକ୍ରାନ୍ତ ହୋଇଥିବା ବେଳେ ୪,୯୩୪ ଜଣଙ୍କର ମୃତ୍ୟୁ ଘଟିଛି। ୧୩୫ ସୁସ୍ଥ ହୋଇ ଘରକୁ ଫେରିଛନ୍ତି। ପ୍ରଧାନମନ୍ତ୍ରୀ ବୋରିଶ ଜନସନଙ୍କ ଆରୋଗ୍ୟ କାମନା କରି ବ୍ରିଟେନବାସୀ ଏବେ ପ୍ରାର୍ଥନା କରୁଛନ୍ତି।