ସତ୍ୟଶିଖା ୧ .୦୯ .୨୦୨ ୦ : କୋରାପୁଟ ଜିଲ୍ଲାର ଲମତାପୁଟ ବ୍ଲକ୍ ଅନ୍ତର୍ଗତ ଦେବଗଞ୍ଜରେ ଗାଁରେ ଅଘଟଣ ଘଟିଥିବା ଜଣାଯାଇଛି । ପୋଖରୀରେ ବୁଡ଼ି ୩ ନାବାଳିକାଙ୍କର ମୃତ୍ୟୁ ହୋଇଛି । ଏହି ୩ ଜଣଙ୍କ ମଧ୍ୟରୁ ଜଣଙ୍କ ବୟସ ୯ ଆଉ ଦୁଇଜଣଙ୍କ ବୟସ ୮ ବୋଲି ସୂଚନା ମିଳିଛି । ଗତକାଲି ଏମାନେ ଘରୁ ପିଜୁଳି ଖାଇବାକୁ ଯାଇଥିଲେ ଓ ଘରକୁ ଫେରି ନ ଥିଲେ । ଘରକୁ ନ ଫେରିବାରୁ ପରିବାର ଲୋକେ ନନ୍ଦପୁର ଥାନାରେ ଏତଲା ଦେଇଥିଲେ । ଘରରୁ ୧ କିଲୋମିଟର ଦୂରରେ ଥିବା ଏକ ପୋଖରୀରେ ଚପଲ ଭାସୁଥିବା ଦେଖି ଅଗ୍ନିଶମ ବିଭାଗର କର୍ମଚାରୀ ୩ ଜଣଙ୍କ ମୃତ ଦେହ ଉଦ୍ଧାର କରିଥିଲେ ।
