ସତ୍ୟଶିଖା(ଭୁବନେଶ୍ୱର ) ୨୭.୦୮ .୨୦୨୧: ଶ୍ରୀମନ୍ଦିର ସେବାୟତଙ୍କୁ ନେଇ ଆସିଲା ବଡ ନିଷ୍ପତ୍ତି । ମନ୍ଦିର ପରିଚାଳନା କମିଟି ବୈଠକ ନିଷ୍ଫତ୍ତି ଅନୁସାରେ ସେବାୟତଙ୍କୁ ମିଳିବ ଘର । ଏଥିପାଇଁ ପରିବାର ପିଛା ୨ଲକ୍ଷ ଲେଖାଏଁ ଟଙ୍କା ମିଳିବ । ଏଥିରେ ଆଉ କିଛି ଅର୍ଥ ମିଶାଇ ସେବାୟତ ଘର ତିଆରି କରିବେ ବୋଲି କୁହାଯାଇଛି । ଏଥିପାଇଁ ୮ଏକର ଜମିର ବ୍ୟବସ୍ଥା କରାଯିବା ସହ ପରିବାର ପିଛା ୬୦୦ ବର୍ଗ ଫୁଟ ଜମି ମିଳିବ ବୋଲି କୁହାଯାଇଛି । ପ୍ରଥମ ପର୍ଯ୍ୟାୟରେ ୪୦୦ ସେବାୟତଙ୍କୁ ଘର ମିଳିବ ଓ ଏହା ସହିତ ଆସନ୍ତା ଶିକ୍ଷା ବର୍ଷ ଠାରୁ ଶ୍ରୀମନ୍ଦିର ଗୁରୁକୁଳ ତିଆରି ହେବ ବୋଲି କୁହାଯାଇଛି । ଏଥିପାଇଁ ସବୁ ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି ସୂଚନା ମିଳିଛି । ଏହି ଗୁରୁକୁଳ ନିର୍ମାଣ ପାଇଁ ମାଟିତୋଟାରେ ୧୭ ଏକର ଜମି ଚୟନ କରାଯାଇଛି । ଏହା ସହ ଶ୍ରୀମନ୍ଦିର ସଂରକ୍ଷଣ ପାଇଁ ୫ ବର୍ଷିଆ ଯୋଜନା ତିଆରି କରାଯାଇଛି । ଏହାକୁ ନେଇ ମନ୍ଦିର ପ୍ରଶାସନ ଓ ଏଏସଆଇ ମିଳିତ ନିଷ୍ପତ୍ତି ନେବା ସହ ଶ୍ରଦ୍ଧାଳୁ କିମ୍ବା କୌଣସି ଅନୁଷ୍ଠାନକୁ ମାଗଣାରେ ରଥ ଚକ ମିଳିବ ବୋଲି ନିଷ୍ପତ୍ତି ନିଆଯାଇଛି ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର ସୂଚନା ଦେଇଛନ୍ତି ।
