ବଲାଙ୍ଗିର(ମନୋରଞ୍ଜନ ଯୋଶୀ): ଭିଟାମାଟିକୁ ଫେରୁଥିବା ବେଳେ ଟ୍ରେନରେ ଚାଲିଗଲା ପ୍ରବାସୀ ମହିଳା ଶ୍ରମିକଙ୍କ ଜୀବନ । ଏପରି ଏକ ଦୁଃଖଦ ଘଟଣା ଘଟିଛି ବିଶାଖାପାଟନମରୁ ବଲାଙ୍ଗିର ଆସିଥିବା ଶ୍ରମିକ ସ୍ପେଶାଲ ଟ୍ରେନରେ ।
ଆହୁରି ପଢ଼ନ୍ତୁ
ଆଜି ସକାଳୁ ବଲାଙ୍ଗିରରେ ଟ୍ରେନଟି ପହଞ୍ଚିବା ପରେ ସେଥିରେ ଆସୁଥିବା ଜଣେ ମହିଳା ଶ୍ରମିକଙ୍କ ଜୀବନ ଚାଲିଯାଇଥିବା ଜଣା ପଡିଥିଲା । ମୃତ ମହିଳାଜଣକ ହେଲେ କୋରାପୁଟ ଜିଲ୍ଲା ବୈପାରିଗୁଡା ଥାନା ଜଡା ଗାଁର ରାଧା କରା । ତାଙ୍କର ଏକ ଛୋଟ ପୁଅଟିଏ ଅଛି ।
ମୃତ୍ୟୁର ପ୍ରକୃତ କାରଣ ଜଣାପଡି ନଥିବା ବେଳେ ଛାତି ଯନ୍ତ୍ରଣାରୁ ଟ୍ରେନ୍ରେ ମହିଳାଙ୍କ ମୃତ୍ୟୁ ହୋଇଥିବା ସଂପର୍କୀୟ ସୂଚନା ଦେଇଛନ୍ତି।ବଲାଙ୍ଗିର ପୁଲିସ୍ ଶବକୁ ଉଦ୍ଧାର କରି ଅଧିକ ତଦନ୍ତ ଜାରି ରଖିଛି ।
