ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ କ୍ରମାଗତ ବଢ଼ୁଥିବା ବେଳେ ଉଭୟ ପେଟ୍ରୋଲ ଓ ଡିଜେଲ ଦର ବି ବୃଦ୍ଧି ପାଇବାରେ ଲାଗିଛି। କ୍ରମାଗତ ୫ମ ଦିନ ପାଇଁ ତୈଳ ଦଳ ବୃଦ୍ଧି ପରେ ସାଧାରଣ ଲୋକ ଚିନ୍ତାରେ ପଡ଼ିଛନ୍ତି। ଆଜି ଦିଲ୍ଲୀରେ ପେଟ୍ରୋଲ ଦର ଲିଟର ପିଛା ୬୦ ପଇସା ବଢ଼ିଥିବା ବେଳେ ଡିଜେଲ ଦର ବି ୬୦ ପଇସା ବଢ଼ିଛି। ଏହି ବର୍ଦ୍ଧିତ ମୂଲ୍ୟ ପରେ ଦିଲ୍ଲୀରେ ପେଟ୍ରୋଲର ଲିଟର ପିଛା ଦର ୭୪ ଟଙ୍କା ଛୁଇଁଛି। ସେହିପରି ଡିଜେଲ ଲିଟର ପିଛା ୭୨.୨୨ ଟଙ୍କାରେ ପହଞ୍ଚିଛି।
ଆହୁରି ପଢ଼ନ୍ତୁ
ପ୍ରାୟ ୮୨ ଦିନ ଧରି ତୈଳ ଦଳ ସ୍ଥିର ରହିବା ପରେ ରବିବାର ଅର୍ଥାତ୍ ୭ ତାରିଖରେ ତୈଳ କମ୍ପାନୀ ଉଭୟ ପେଟ୍ରୋଲ୍ ଓ ଡିଜେଲ୍ ଦର ବଢ଼ାଇଥିଲେ। ଏଥିପାଇଁ କ୍ରମାଗତ ୫ମ ଦିନରେ ମଧ୍ୟ ଉଭୟ ପେଟ୍ରୋଲ୍ ଓ ଡିଜେଲ୍ ଦର ବୃଦ୍ଧି ଘଟିଛି। ଗତ ୫ ଦିନ ଭିତରେ ପେଟ୍ରୋଲ୍ ଓ ଡିଜେଲ୍ ଦର ପ୍ରାୟ ୩ ଟଙ୍କା ମହଙ୍ଗା ହେଲାଣି।
ବିଶେଷଜ୍ଞଙ୍କ ମତରେ ଆଗକୁ ତୈଳ ଦର ଆହୁରି ବୃଦ୍ଧି ଘଟିବାର ଆଶଙ୍କା ରହିଛି। ବିଭିନ୍ନ ରାଜ୍ୟ ତୈଳ ଉପରେ ଅତିରିକ୍ତ ଟିକସ ଲାଗୁ କରୁଛନ୍ତି। ସେହିପରି ଡଲାର ତୁଳନାରେ ଟଙ୍କାର ମୂଲ୍ୟ ହ୍ରାସ ହେବାରୁ ଏପରି ତୈଳଦର ବୃଦ୍ଧି ଘଟୁଛି ବୋଲି ସେମାନେ କହିଛନ୍ତି।
