ସତ୍ୟଶିଖା ( ଭୁବନେଶ୍ୱର ) ୧୧.୦୮.୨୦୨୦ : ଓଡ଼ିଶା ପାଇଁ ଭଲ ସଙ୍କେତ । ଓଡ଼ିଶାରେ ଟେଷ୍ଟିଂ ବଢ଼ୁଛି, କମୁଛି ସଂକ୍ରମଣ ସଂଖ୍ୟା । ରାଜ୍ୟରେ କରୋନା ସ୍ଥିତି ସ୍ଥିର ରହିଥିବା କହିଲେ ଡାକ୍ତର ଅଶୋକ ମହାପାତ୍ର । ପଜିଟିଭଙ୍କ ସଂଖ୍ୟା କମୁଥିବାରୁ ଏହା ଭଲ ସଙ୍କେତ ବୋଲି ସେ ନିଜ ପ୍ରତିକ୍ରିୟାରେ କହିଛନ୍ତି । ଭ୍ୟାକ୍ସିନ ଆସିଲେ ସ୍ଥିତି ଆହୁରି ସୁଧୁରିବ । ତେବେ ବିଦେଶର ସଂଖ୍ୟା କମିବା ପରେ ବଢ଼ିଛି ।
ତେଣୁ ଏବେ ପୁରା ସ୍ଥିତି ସମ୍ପୂର୍ଣ୍ଣ ଭଲ ହେବା ନେଇ ଆକଳନ କରିବା ମୁସ୍କିଲ ବୋଲି କହିଛନ୍ତି ଅଶୋକ ମହାପାତ୍ର । ତେବେ ସେ କହିଛନ୍ତି, ରାଜଧାନୀରେ କରୋନା ପଜିଟିଭ ବଢ଼ିବା ପଛରେ ୩ଟି କାରଣ ରହିଛି । ଗଞ୍ଜାମରେ କମିଛି, ଖୋର୍ଦ୍ଧାରେ ବଢ଼ିଛି ସଂଖ୍ୟା । ଗଞ୍ଜାମ ତୁଳନାରେ ରାଜଧାନୀକୁ ଏବେ ବେଶୀ ପ୍ରବାସୀ ଆସୁଛନ୍ତି । ପରୀକ୍ଷା ଅଧିକ, ତେଣୁ ସଂଖ୍ୟା ମଧ୍ୟ ଅଧିକ ଆସୁଛି । ଦେଶର ସବୁ ରାଜ୍ୟର ରାଜଧାନୀରେ ବର୍ତ୍ତମାନ ସମାନ ଅବସ୍ଥା ।
