କଟକ (ସତ୍ୟଶିଖା): ଆସନ୍ତାକାଲି ହେବାକୁ ଥିବା ଜନତା କର୍ଫ୍ୟୁକୁ ଦୃଷ୍ଟିରେ ରଖି ଛତ୍ରବଜାର ଓ ମାଲଗୋଦାମ ବନ୍ଦ ରହିବ। ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢ଼ିବାକୁ ଲାଗିଥିବା ବେଳ ଏହାକୁ ଦୃଷ୍ଟିରେ ରଖି ସରକାର ନେଉଥିବା ପଦକ୍ଷେପକୁ ସମର୍ଥନ ଜଣାଇ ଏପରି ନିଷ୍ପତ୍ତି ନିଆଯାଇଥିବା ବ୍ୟବସାୟୀ ସଂଘ ପକ୍ଷରୁ କୁହାଯାଇଛି।
ଛତ୍ରବଜାର ବ୍ୟବସାୟୀ ସଂଘ ସମ୍ପାଦକ ଦେବେନ୍ଦ୍ର ସାହୁ କହିଛନ୍ତି, “ ସାରା ବିଶ୍ୱରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢ଼ିବାକୁ ରହିଛି। ଏହାର ମୁକାବିଲା ପାଇଁ ପ୍ରଧାନମନ୍ତ୍ରୀ ଯେଉଁ ପଦକ୍ଷେପ ନେଇଛନ୍ତି ତାହା ସ୍ୱାଗତଯୋଗ୍ୟ। ସେଥିପାଇଁ ଆସନ୍ତାକାଲି ଆମେ ଛତ୍ରବଜାର ବନ୍ଦ ରଖୁଛୁ। ସମସ୍ତ ବ୍ୟବସାୟୀ ଭାଇ ଏଥିରେ ସହଯୋଗ କରୁଛନ୍ତି।”
ଆହୁରି ପଢ଼ନ୍ତୁ
ଆସନ୍ତାକାଲି ମାଲଗୋଦାମ ମଧ୍ୟ ବନ୍ଦ ରହିବ। କଟକ ଚ୍ୟାମ୍ବର ଅଫ୍ କମର୍ସର ସମ୍ପାଦକ ପ୍ରଫୁଲ ଛାଟୋଇ ଆଜି ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ସୋମବାରଠାରୁ ମାଲଗୋଦାମ ସକାଳ ୧୦ଟାରୁ ସଂଧ୍ୟା ୭ ଯାଏ ଖୋଲା ରହିବ।
ଜଣେ ଗ୍ରାହକ କହିଛନ୍ତି,“ କାଲି ଛତ୍ରବଜାର ବନ୍ଦ ଥିବାରୁ ଆମେ ଘର ପାଇଁ ଆଜି ପରିବା ନେଇ ଯାଉଛୁ। ଆମେ ପ୍ରଧାନମନ୍ତ୍ରୀଙ୍କ ଜନତା କର୍ଫ୍ୟୁକୁ ମାନି ଘରୁ ବାହାରିବୁ ନାହିଁ। ସମସ୍ତେ ମଧ୍ୟ ଏହି ଜନତା ଜନତା କର୍ଫ୍ୟୁକୁ ମାନି ଚଳିବା ଦରକାର।”
