ନୂଆଦିଲ୍ଲୀ: କାର୍ତ୍ତିକ ଆର୍ୟନଙ୍କୁ ନେଇ ଚର୍ଚ୍ଚା ଜୋର ଧରିଛି। ବଲିଉଡ ଅଭିନେତ୍ରୀ କଙ୍ଗନା ରାଣାୱତ କାର୍ତ୍ତିକଙ୍କୁ ଖୁବ୍ ପ୍ରଶଂସା କରିଛନ୍ତି, ଯେଉଁଥିପାଇଁ ଏତେ ଚର୍ଚ୍ଚାରେ କାର୍ତ୍ତିକ। ନିକଟରେ ଏକ ସାକ୍ଷାତକାରରେ ଯେତେବେଳେ କଙ୍ଗନାଙ୍କୁ ବଲିଉଡର ପ୍ରତିଭାବାନ କଳାକାରଙ୍କ ବିଷୟରେ ପଚାରଗଲା ସେ କାର୍ତିକ ଆର୍ୟନଙ୍କ ନାଁ କହିଥିଲେ।
କଙ୍ଗନା କହିଛନ୍ତି, ପ୍ୟାର୍ କା ପଞ୍ଚାନାମାର ଅଭିନେତା କାର୍ତ୍ତିକ ଆର୍ୟନ୍ ବହୁତ ପ୍ରତିଭାବାନ। ଯଦିଓ ମୁଁ ତାଙ୍କର ସବୁ ଫିଲ୍ମ ଦେଖିନାହିଁ, ତଥାପି ତାଙ୍କର ଗୋଟିଏ ବିଶେଷତ୍ୱ ରହିଛି।
ଆହୁରି ପଢ଼ନ୍ତୁ
କଙ୍ଗନା ପୁଣି କହିଛନ୍ତି, ଯେପରି ଅକ୍ଷୟ କୁମାର ଜଣେ ଆକ୍ସନ ହିରୋ। ତାଙ୍କୁ ଆମୀର ଖାନ ହେବାର ଆବଶ୍ୟକତା ନାହିଁ, ସେ ଅକ୍ଷୟ କୁମାର ରହିଲେ ଏବଂ ବର୍ତ୍ତମାନ ତାଙ୍କର ଏକ ଭିନ୍ନ ବ୍ୟକ୍ତିତ୍ୱ ବି ରହିଛି। ଲୋକମାନେ ସେମାନଙ୍କର ବ୍ୟକ୍ତିତ୍ୱକୁ ଅକ୍ଷୁର୍ଣ୍ଣ ରଖିବା ଉଚିତ୍ | ଯଦି କେହି କାର୍ତ୍ତିକଙ୍କୁ ଅନୁକରଣ କରିବାକୁ ଚାହାଁନ୍ତି, ତେବେ ସେ କରିପାରିବେ ନାହିଁ। ସେ ନିଆରା। ସେମିତି ଗୋବିନ୍ଦାଙ୍କୁ ମଧ୍ୟ କେହି ଅନୁକରଣ କରିପାରିବ ନାହିଁ କାରଣ ସେ ପ୍ରକୃତ ପ୍ରତିଭାରେ ଭରପୂର ଏବଂ ମୁଁ ଏହିପରି ମୂଳ ପ୍ରତିଭାକୁ ଭଲ ପାଏ |
ପ୍ରକାଶ ଥାଉ କି, ନିକଟରେ କାର୍ତ୍ତିକ କରୋନା ମୁକାବିଲା ଲାଗି ସହଯୋଗର ହାତ ବଢ଼ାଇ ପ୍ରଧାନମନ୍ତ୍ରୀଙ୍କ ପିଏମ୍ କେୟାର୍ସ ଫଣ୍ଡକୁ ୧କୋଟି ଟଙ୍କା ଦାନ କରିଛନ୍ତି।
