କାରଚି କଲୋନୀ ବିମାନ ଦୁର୍ଘଟଣା: ଉଦ୍ଧାର ହେଲାଣି ୮୨ ଜଣଙ୍କ ମୃତଦେହ

କରାଚି: ପାକିସ୍ତାନ ଅନ୍ତର୍ଜାତୀୟ ଏୟାରଲାଇନ୍ସର ଯାତ୍ରୀବାହୀ ବିମାନ ଦୁର୍ଘଟଣାଗ୍ରସ୍ତ ହେବା ଘଟଣାରେ ମୃତ୍ୟୁସଂଖ୍ୟା ବୃଦ୍ଧି ପାଇବାରେ ଲାଗିଛି। ଦୁର୍ଘଟଣା ଶୁକ୍ରବାର ମଧ୍ୟାହ୍ନରେ ହୋଇଥିଲେ ହେଁ ବିଳମ୍ବିତ ରାତି ଯାଏ ଉଦ୍ଧାର କାର୍ଯ୍ୟ ଜାରି ରହିଥିଲା। ଏବେ ବି ଉଦ୍ଧାର କାର୍ଯ୍ୟ ଶେଷ ହୋଇ ନଥିବା ଜଣାପଡ଼ିଛି।

ତେବେ ବର୍ତ୍ତମାନ ସୁଦ୍ଧା ବିମାନ ଦୁର୍ଘଟଣା ହୋଇଥିବା ସ୍ଥାନରୁ ୮୨ ଜଣଙ୍କ ମୃତଦେହ ଉଦ୍ଧାର କରାଯାଇଛି। ଆହତମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି। ବିମାନରେ ୯୯ ଜଣ ଲୋକ ଥିଲେ। ତେବେ ମୃତକମାନେ ସମସ୍ତେ ବିମାନ ଯାତ୍ରୀ କି ନାହିଁ ସେକଥା ଜଣାପଡ଼ିନାହିଁ।

Horrifying, tragic. An @Official_PIA Airbus A320 has crashed in a residential area in Karachi. There were 107 on board. Had taken off from Lahore, crashed during approach to Jinnah Int’l Airport, Karachi. pic.twitter.com/n7dR9lI99N

— Shiv Aroor (@ShivAroor) May 22, 2020

କାରଣ ବିମାନଟି ନିୟନ୍ତ୍ରଣ ହରାଇ କରାଚିରେ ଥିବା ଜିହ୍ନା ଅନ୍ତର୍ଜାତୀୟ ଏୟାରପୋର୍ଟ ନିକଟ ଆବାସିକ ଅଞ୍ଚଳରେ ହିଁ ଖସି ପଡ଼ିଥିଲା। ବିମାନଟି ଏକାଧିକ ବିଲିଂରେ ମାଡ଼ ହୋଇଥିବାରୁ ସେଠାରେ ରହୁଥିବା ଲୋକମାନେ ମଧ୍ୟ ଏହାଦ୍ୱାରା କ୍ଷତିଗ୍ରସ୍ତ ହୋଇଛନ୍ତି। ତେଣୁ ମୃତକଙ୍କ ମଧ୍ୟରେ ସ୍ଥାନୀୟ ଅଞ୍ଚଳର କିଛି ଲୋକ ରହିଥାଇ ପାରନ୍ତି ବୋଲି ଆଶଙ୍କା କରାଯାଉଛି।

ସିନ୍ଧ ସ୍ୱାସ୍ଥ୍ୟ ମନ୍ତ୍ରୀ ଆଜାର ପେଚୁହୋ କହିଛନ୍ତି, ବିଳମ୍ବିତ ରାତି ସୁଦ୍ଧା ୮୨ଟି ମୃତଦେହ ଉଦ୍ଧାର ହୋଇଛି। ଏମାନେ ସମସ୍ତେ ବିମାନ ଯାତ୍ରୀ କି ନାହିଁ ସେକଥା ଜଣାପଡ଼ିନାହିଁ। ପିଆଇଏ ଏ୩୨୦ ବିମାନରେ ୩୧ ମହିଳା, ୯ ଛୋଟ ପିଲା ଓ ୮ କ୍ରୁ ସଦସ୍ୟଙ୍କ ସମେତ ୯୯ ଜଣ ଲୋକ ରହିଥିଲେ।

ବିମାନଟି ଲ୍ୟାଣ୍ଡ କରିବାରେ ସମସ୍ୟା ଭୋଗିବାରୁ କଣ୍ଟ୍ରୋଲ ରୁମ ପକ୍ଷରୁ ପାଇଲଟଙ୍କୁ ଆକାଶରେ ଆଉ ଦୁଇ ରାଉଣ୍ଡ ଚକର ମାରିବାକୁ କୁହାଯାଇଥିଲା। ତେବେ ଆକାଶରେ ଉଡ଼ିବାକୁ ଚେଷ୍ଟା କରୁଥିବା ବେଳେ ବିମାନଟି ଏୟାରପୋର୍ଟ ନିକଟସ୍ଥ ଏକ ମୋବାଇଲ ଟାୱାରରେ ପିଟି ହୋଇ ବିଲଡିଂଗୁଡ଼ିକ ଉପରେ ଖସି ପଡ଼ିଥିଲା।

#Breaking : “We have lost Engines and may day”, were the last Words from Pilot Flying #PIA Plane From #Lahore To #Karachi.
Listen the conversation between Pilot of #PIA #Airbus320 And control tower before it crashed near #Karachi. pic.twitter.com/TKuozE15i1

— Ravinder Singh Robin ਰਵਿੰਦਰ ਸਿੰਘ راویندرسنگھ روبن (@rsrobin1) May 22, 2020

ଦୁର୍ଘଟଣା ଏତେ ଭୟଙ୍କର ଥିଲା ଯେ ପୂରା ଅଞ୍ଚଳରେ ନିଆଁ ଲାଗିଯିବା ସହ ବିମାନଟି ସଂପୂର୍ଣ୍ଣ ଧ୍ୱଂସ ପାଇଯାଇଥିଲା। ତେବେ ୩ ଜଣ ଯାତ୍ରୀଙ୍କୁ ପ୍ରାଥମିକ ଅବସ୍ଥାରେ ତା’ ମଧ୍ୟରୁ ସୁରକ୍ଷିତ ଉଦ୍ଧାର କରାଯାଇ ପାରିଥିଲା।

ଏଥିସହ ପାକିସ୍ତାନ ସେନା, ରେଞ୍ଜର୍ସ ଓ ସ୍ଥାନୀୟ ପୁଲିସ୍‌ ଘଟଣାସ୍ଥଳରେ ପହଞ୍ଚି ଲୋକଙ୍କୁ ହସ୍ପିଟାଲ ନେଇଥିଲେ। ୧୦ରୁ ୧୨ଟି ଘର ସଂପୂର୍ଣ୍ଣ ଭାବେ ଭାଙ୍ଗି ଯାଇଥିବା ବେଳେ ୫୦ରୁ ଅଧିକ ଲୋକ ଆହତ ହୋଇଛନ୍ତି। ଉଦ୍ଧାର କାର୍ଯ୍ୟ ଶେଷ ହେବା ପରେ ପୂରା ତଥ୍ୟ ମିଳିପାରିବ।