ସତ୍ୟଶିଖା( ଭୁବନେଶ୍ୱର )୦୮.୧୦.୨୦୨୨: ମାୟାବୀନି ଅର୍ଚ୍ଚନାକୁ ନେଇ ବଡ଼ ଖୁଲାସା। ସାମ୍ନାକୁ ଆସିଲା ଡିଲ୍ ବେଳର ଭିଡିଓ। ରେଷ୍ଟୁରାଣ୍ଟରେ ହେଉଥିଲା ସେଟିଙ୍ଗ। ଭିଡିଓରେ ଅର୍ଚନାଙ୍କ ସହ ରେଷ୍ଟୁରାଣ୍ଟରେ ଥିଲେ କିଏ। ଅର୍ଚନା କେଉଁ ବିଷୟରେ କଥାବାର୍ତ୍ତା କରୁଥିଲେ। ଭିଡ଼ିଓରେ ଥିବା ଅଡିଓକୁ କିଏ ମିଉଟ କରିଛି। ଏ ସମସ୍ତ ପ୍ରଶ୍ନ ଧୀରେ ଉଠିବାରେ ଲାଗିଛି। ଆଡ଼ମ୍ବରପୂର୍ଣ୍ଣ ହୋଟେଲ ପରି ଜାଗାରେ ବସି ଚାଲିଥିଲା ଡିଲ୍। ଆଉ ରହସ୍ୟମୟୀଙ୍କ ପାଖରେ ଜଣେ ଯୁବତୀ ଓ ଜଣେ ପୁରୁଷ ବସିଥିଲେ। ସେମାନଙ୍କ ସହ ସେ କୌଣସି ଡିଲ୍ ସମ୍ପର୍କରେ କଥା ହେଉଥିବା ଭାଇରାଲ୍ ଭିଡିଓରୁ ଜଣାପଡ଼ିଛି।
ନେତା-ମନ୍ତ୍ରୀଙ୍କୁ ବ୍ଲାକମେଲିଂ କରି କୋଟି କୋଟି ରୋଜଗାର କରୁଥିବା ୨୭ ବର୍ଷୀୟ ଅର୍ଚ୍ଚନା ନାଗ ଗିରଫ ପରେ ଏବେ ଝାଡପଡା ଜେଲରେ। ସୁନ୍ଦରୀ ଝିଅର ଫାସରେ ପସିଛନ୍ତି ବଡବଡିଆ । ନେତା, ମନ୍ତ୍ରୀ, ପୂର୍ବତନ ମନ୍ତ୍ରୀ, ବିଧାୟକମାନେ ଏବେ ଛାନିଆ। ଆହୁରି ଅନେକ ବଡ଼ ବଡ଼ ବ୍ୟକ୍ତି ମଧ୍ୟ ଅର୍ଚ୍ଚନାଙ୍କ ହନିଟ୍ରାପର ଶିକାର ହୋଇଥିବା ସୂଚନା ମିଳିଛି । କିନ୍ତୁ ଲୋକଲଜ୍ଜା ଭୟରେ ଅଭିଯୋଗ କରିବା ପାଇ ସାମନାକୁ ଆସୁନଥିବା ଜଣାପଡ଼ିଛି । ଫିଲ୍ମ ପ୍ରଯୋଜକ ଅକ୍ଷୟ ପରିଜାଙ୍କ ଫଟୋ ଭାଇରାଲ ହେବା ପରେ ହନିଟ୍ରାପର ଏକ ବଡ଼ ରାକେଟ୍ ସାମନାକୁ ଆସିଛି ।
