କରୋନା ଭାଇରସକୁ ନେଇ ମୁହଁ ଖୋଲିଲା ଆତଙ୍କୀ ସଂଗଠନ ହିଜବୁଲର ପ୍ରମୁଖ

ନୂଆଦିଲ୍ଲୀ: କୁଖ୍ୟାତ ଆତଙ୍କବାଦୀ ସଂଗଠନ ହିଜବୁଲ ମୁଜାହିଦ୍ଦିନର ପ୍ରମୁଖ ସୟଦ ସଲାଉଦ୍ଦିନ୍ କରୋନା ଭାଇରସକୁ ଧର୍ମ ସହ ଯୋଡ଼ିଛି। ବିଶ୍ୱରେ ମୁସଲମାନଙ୍କ ଉପରେ ଅତ୍ୟାଚାର ହେଉଥିବାରୁ ଏଭଳି କରୋନା ଭାଇରସର ଉତ୍ପତ୍ତି ହୋଇଛି। ଯେଉଁମାନେ ହାଇରାଣ କରୁଛନ୍ତି ସେମାନଙ୍କୁ ଏହି ଭାଇରସ ଅଧିକ ହଇରାଣ କରିବ ବୋଲି ପାକିସ୍ତାନର ଏହି ଆତଙ୍କବାଦୀ କହିଛି। ପାଞ୍ଚ ମିନିଟର ଏକ ଭିଡିଓ ଜାରି କରି ଆତଙ୍କବାଦୀ ସଲାଉଦ୍ଦିନ ଏଭଳି ମତ ରଖିଛି।

ସେ ଆହୁରି କହିଛି, କରୋନା ଏଭଳି ଏକ ଭାଇରସ ଯାହାର ନିରାକରଣ ନାହିଁ। ବିଜ୍ଞାନ ମଧ୍ୟ ଏହା ଆଗରେ ଫେଲ୍ ହୋଇଛି। ରୋହିଙ୍ଗ୍ୟା ମୁସଲମାନ୍, ଫିଲିସ୍ତାନ ଏବଂ କଶ୍ମୀରବାସୀଙ୍କ ଉପରେ ଅତ୍ୟାଚାର ହେଉଥିବାରୁ କରୋନା ଭାଇରସର ସୃଷ୍ଟି ହୋଇଛି। ତେବେ ଏହି ଭାଇରସକୁ କେବଳ ଆହ୍ଲା (ଈଶ୍ୱର) ହିଁ ରୋକିପାରିବେ।

ଭାରତରେ କଶ୍ମୀରଙ୍କ ଉପରେ ପ୍ରଧାନମନ୍ତ୍ରୀ ମୋଦି ଯେଉଁଭଳି ଭାବରେ ଅତ୍ୟାଚାର କରିଛନ୍ତି। ଏବେ ସେ ମଧ୍ୟ ଏହି ଭାଇରସ କବଳରୁ ବର୍ତ୍ତିପାରିବେ ନାହିଁ ବୋଲି ସଲାଉଦ୍ଦିନ୍ କହିଛି।