ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ଜଣଙ୍କୁ ଗଳା କାଟି ହତ୍ୟା

ମାଲକାନିଗିରି ସୀମାନ୍ତ ଛତିଶଗଡ଼ ସୁକୁମା ଜିଲ୍ଲା ଏରାବର ଥାନା ଅଞ୍ଚଳରେ ମାଓବଦୀ ଜଣଙ୍କୁ ପୋଲିସ ଇନଫର୍ମର ସନ୍ଦେହରେ ଗଳା କାଟି ଦେଇଛନ୍ତି  କେବଳ ଏତିକି ନୁହେଁ ଏକ ଚିଠି ମଧ୍ୟ ଛାଡିଛନ୍ତି ।

ଯେଉଁଥିରେ ଲେଖା ହୋଇଛି ପୋଲିସ ପାଇଁ ଗୁଇନ୍ଦା କାମ କରିବା, ଜଙ୍ଗଲ ନଷ୍ଟ କରିବା ଓ ବେଆଇନ ଭାବେ ଜଙ୍ଗଲ ଜମିକୁ ଅଧିଗ୍ରହଣ କରିବା କାମରେ ଲିପ୍ତ ଥିବା କାରଣରୁ ତାଙ୍କୁ ହତ୍ୟା କରାଯାଇଛି ।

ମୃତ ବ୍ୟକ୍ତିଙ୍କ ନାଁ ହେଉଛି ନବୀନ । ତେବେ ଏହି ଘଟଣା ପରେ ସ୍ଥାନୀୟ ଅଚଂଳରେ ଭୟର ବାତାବରଣ ଖେଳିଯାଇଛି । ଗତକାଲି ବିଳମ୍ବିତ ରାତିରେ ୧୦ ରୁ ୧୫ ଜଣ ସଶସ୍ତ୍ର ମାଓବାଦୀ ନବୀନଙ୍କୁ ହତ୍ୟା କରିଥିଲେ ।

ପରେ ଘଟଣା ସ୍ଥଳରେ ସୁକୁମା ଏସପି ସୁନିଲ ଶର୍ମା ପହଂଚି ଅଧିକ ତଦନ୍ତ ଚଳାଇଛନ୍ତି ।