ଶ୍ରୀନଗର: ଜମ୍ମୁ-କଶ୍ମୀରରେ ଆଇଇଡି ବିସ୍ଫୋରଣ କରି ବଡ଼ ଅଘଟଣ ଘଟାଇବାକୁ ଉଦ୍ୟମ କରୁଥିବା ଆତଙ୍କବାଦୀଙ୍କ ଯୋଜନା ପୁଣିଥରେ ଫେଲ ମାରିଛି। ଶ୍ରୀନଗର-ବାନ୍ଦିପୋରା ରୋଡରେ ସୁରକ୍ଷାକର୍ମୀମାନେ ଆଇଇଡିକୁ ଠାବ କରି ଏହାକୁ ଡିଫ୍ୟୁଜ କରିବାରେ ସକ୍ଷମ ହୋଇଛନ୍ତି।
ଆହୁରି ପଢ଼ନ୍ତୁ
ଆଜି ସକାଳେ ବାନ୍ଦିପୋରା ଜିଲ୍ଲା ଇରିନ ନଦୀର ବ୍ରିଜ୍ ନିକଟରେ ଛୋଟ ସିଲିଣ୍ଡର ମଧ୍ୟରେ ଆଇଇଡି ରହିବା ସହ ଏକ ଟାଇମର ମଧ୍ୟ ଘଟଣା ସ୍ଥଳରେ ପଡ଼ିଥିବା ଦେଖିବାକୁ ମିଳିଥିଲା। ସୁରକ୍ଷାକର୍ମୀମାନେ ତୁରନ୍ତ ପୂରା ଅଞ୍ଚଳକୁ କର୍ଡନ କରି ବୋମା ନିଷ୍କ୍ରିୟ ଟିମ୍କୁ ଖବର ଦେଇଥିଲେ। ତୁରନ୍ତ ବୋମା ନିଷ୍କ୍ରିୟକାରୀ ଟିମ୍ ଘଟଣାସ୍ଥଳରେ ପହଞ୍ଚି ଏହାକୁ ଡିଫ୍ୟୁଜ କରିଦେଇଥିଲା।
ଆଇଇଡି ରାସ୍ତା କଡ଼ରୁ ଠାବ ହେବା ପରେ ପୂରା ଅଞ୍ଚଳର ଟ୍ରାଫିକ ଗତିବିଧିକୁ ଅନ୍ୟ ରାସ୍ତାକୁ ଡାଇଭର୍ଟ କରାଯାଇଛି। ଏବେ ବି ସୁରକ୍ଷାକର୍ମୀଙ୍କ ପକ୍ଷରୁ ସର୍ଚ୍ଚ ଅପରେସନ ଜାରି ରହିଛି।
