ନୂଆଦିଲ୍ଲୀ: ମହାମାରୀ କରୋନା ଭାଇରସ ପାଇଁ ଦେଶର ଅର୍ଥନୀତି ସବୁଠାରୁ ଅଧିକ ପ୍ରଭାବିତ ହୋଇଛି। ଅର୍ଥନୀତିକୁ ସୁଧାରିବା ପାଇଁ ଚଳିତ ଆର୍ଥିକ ବର୍ଷରେ ସରକାର ୧୨ ଲକ୍ଷ କୋଟି ଟଙ୍କାର ଋଣ କରିବେ ବୋଲି ଜଣାପଡ଼ିଛି। ପୂର୍ବରୁ ବଜେଟରେ ସରକାର ୭.୮ ଲକ୍ଷ କୋଟି ଟଙ୍କାର ଋଣ କରିବେ ବୋଲି କହିଥିଲେ।
ଆହୁରି ପଢ଼ନ୍ତୁ
ହେଲେ ଏବେକାର ସ୍ଥିତିକୁ ଦୃଷ୍ଟି କରି ସରକାର ଅଧିକ ପରିମାଣର ଋଣ କରିବାକୁ ଲକ୍ଷ୍ୟ ରଖିଛନ୍ତି। ଏହି ଋଣକୁ ସରକାର ବିଭିନ୍ନ ବଜାରରୁ ଆଣିବେ। କରୋନା ଯୋଗୁ ସରକାରଙ୍କ ରାଜସ୍ୱ ଆୟ ଗଭୀର ଭାବେ ପ୍ରଭାବିତ ହୋଇଛି। ଏହି ଋଣ ଦ୍ୱାରା ୨୦୨୦-୨୧ ବର୍ଷରେ ବିତ୍ତୀୟ ନିଅଣ୍ଟ ୫.୫%ରେ ପହଞ୍ଚିବ। ପୂର୍ବରୁ ବିତ୍ତୀୟ ନିଅଣ୍ଟ ୩.୫% ରହିବ ବୋଲି ଆକଳନ କରାଯାଇଥିଲା।
ସରକାରୀ ସୂଚନା ଅନୁଯାୟୀ, ସରକାର ପ୍ରତି ସପ୍ତାହରେ ଗୋଟିଏ ଲେଖାଏ ବଣ୍ଡ ବିକ୍ରି କରି ୩୦ ହଜାର କୋଟି ଟଙ୍କା ଆଣିବେ। ପୂର୍ବରୁ ୧୯ ହଜାରରୁ ୨୧ ହଜାର କୋଟି ଟଙ୍କା ଆଣିବେ ବୋଲି କହିଥିଲେ।
