ସତ୍ୟଶିଖା (ନୂଆଦିଲ୍ଲୀ) ୧୬/୧୧/୨୦୨୦ : ଘର କିଣିବାକୁ ଯୋଜନା କରୁଥିବା ଲୋକଙ୍କ ଖୁସି ଖବର । ଦେଶର ସବୁଠୁ ବଡ ବ୍ୟାଙ୍କ ଏସବିଆଇ ନିଜ ଗ୍ରାହକଙ୍କ ପାଇଁ ନେଇ ଆସିଛି ଏକ ଖାସ୍ ଅଫର । ପାର୍ବଣ ଋତୁରେ ଭାରତୀୟ ଷ୍ଟେଟ୍ ବ୍ୟାଙ୍କ ନିଜର ଗ୍ରାହକଙ୍କୁ ଆକର୍ଷକ ଡିଲ୍ସ ଓ ଅଫର ଦେଉଛି । ହୋମ ଲୋନ ଦରରେ ଏସବିଆଇ ୦.୨୫ ପ୍ରତିଶତ ରିହାତି ଦେବା ସହିତ ପ୍ରୋସେସିଙ୍ଗ ଫି ସଂପୂର୍ଣ୍ଣ ଛାଡ କରିଛି । ତେଣୁ ଘର କିଣିବାକୁ ଯୋଜନା କରୁଥିବା ଲୋକଙ୍କୁ ଏହାର ଫାଇଦା ମିଳିପାରେ । ବର୍ତ୍ତମାନ ଏସବିଆଇ ହୋମଲୋନ ଉପରେ ବାର୍ଷିକ ୬.୯୦ ସୁଧ ସହ ଅଫର ଦେଉଛି । ୩୦ ଲକ୍ଷ ଟଙ୍କା ପର୍ଯ୍ୟନ୍ତ ଲୋନ୍ ନେବାର ବ୍ୟବସ୍ଥା କରିଛି ଏସବିଆଇ ।
ଏସବିଆଇ ଗ୍ରାହକଙ୍କୁ ୩୦ ଲକ୍ଷ ଟଙ୍କା ପର୍ଯ୍ୟନ୍ତ ହୋମ ଲୋନ୍ ଉପରେ ବାର୍ଷିକ ୬.୯୦ ପ୍ରତିଶତ ହାରରେ ସୁଧ ଦେବାକୁ ପଡିବ । ଏସବିଆଇ ଦ୍ଵାରା ଅଫର ଦିଆଯାଉଥିବା ହୋମଲୋନ ଉପରେ ଏହା ସବୁଠୁ କମ ସୁଧ ଦର । ଏସବିଆଇ ହୋମ୍ ଲୋନ୍ ଉପରେ ପାର୍ବଣ ଋତୁରେ ୦.୨୫ ପ୍ରତିଶତ ହାରରେ ରିହାତି ଦେଉଛି । ଏସବିଆଇରୁ ହୋମଲୋନ ନେଲେ ଆପଣଙ୍କୁ ପ୍ରୋସେସିଙ୍ଗ ଫି ଦେବାକୁ ପଡିବ ନାହିଁ । ଯଦି ଆପଣ ଏସବିଆଇ ମୋବାଇଲ ଆପ ଅର୍ଥାତ ୟୋନୋ ଆପ୍ ଜରିଆରେ ହୋମ୍ ଲୋନ ନେବାକୁ ଆବେଦନ କରିବେ ତେବେ ଆପଣଙ୍କୁ ସ୍ଵତନ୍ତ୍ର ରିହାତି ମିଳିବ ।
