ସତ୍ୟଶିଖା ( ଭୁବନେଶ୍ୱର ) ୦୪/୧୨ /୨୦୨୧: ରାଜ୍ୟର ଭିକାରୀ ତାଲିକା ଦେଇଛନ୍ତି ସରକାର । ବର୍ତ୍ତମାନ ସୁଦ୍ଧା ରାଜ୍ୟରେ ୬୯୭୦ଜଣ ଭିକାରୀଙ୍କୁ ଚିହ୍ନଟ କରାଯାଇଛି । ଏଥିମଧ୍ୟରୁ ୪୧୨୮ ପୁରୁଷ ଭିକାରୀ ଓ ୨୮୪୨ ମହିଳା ଭିକାରୀ ଅଛନ୍ତି ।
କଟକରେ ସର୍ବାଧିକ ଭିକାରୀ ରହିଛନ୍ତି । କଟକରେ ୧୦୬୦ ଜଣ ଭିକାରୀ ରହିଛନ୍ତି । ଏହା ତଳକୁ ଦ୍ବିତୀୟ ସ୍ଥାନରେ ବରଗଡ ରହିଛି । ଏଠାରେ ୫୯୫ ଜଣ ଭିକାରୀ ରହିଛନ୍ତି । ଭିକାରୀ ତାଲିକାର ତୃତୀୟ ସ୍ଥାନରେ ଗଞ୍ଜାମ ଜିଲ୍ଲା ରହିଛି । ଗଞ୍ଜାମରେ ୫୪୫ ଜଣ ଭିକାରୀ ରହିଛନ୍ତି ।
ଆଜି ବିଧାନସଭାରେ ବିଧାୟକ ନାଉରୀ ନାଏକଙ୍କ ପ୍ରଶ୍ନରେ ଉତ୍ତର ରଖିଛନ୍ତି ବିଭାଗୀୟ ମନ୍ତ୍ରୀ ଅଶୋକ ପଣ୍ଡା । ତେବେ ଚିହ୍ନଟ ହୋଇଥିବା ଭିକାରୀଙ୍କ ପାଇଁ ସହାୟ ନାମକ ଏକ କାର୍ଯ୍ୟକ୍ରମ ବ୍ୟବସ୍ଥା କରାଯିବ ବୋଲି ମନ୍ତ୍ରୀ କହିଛନ୍ତି । ସେହିପରି ପ୍ରଥମ ପର୍ଯ୍ୟାୟରେ ପୁରୀର ନୀଳାନ୍ଦ୍ରୀ ନିଳୟ ଓ ଭୁବନେଶ୍ୱର ଠାରେ ଏକାମ୍ର ନିଳୟ ନାଁରେ ସ୍ୱତନ୍ତ୍ର ଅଭିଯାନ କରାଯାଇ ସହରରୁ ଭିକାରୀମୁକ୍ତ କରିବାକୁ କାର୍ଯ୍ୟକ୍ରମ କରାଯାଉଥିବା ଜଣାପଡିଛି ।
