ସତ୍ୟଶିଖା(ଭୁବନେଶ୍ୱର) ୦୧.୧୨.୨୦୨୧: ବିଧାନସଭା ଗେଟ୍ରେ ତାଲା ପକାଇ କଂଗ୍ରେସ ଧାରଣା । ଆଜିଠୁ ବିଧାନସଭାର ଶୀତକାଳୀନ ଅଧିବେଶନ ଆରମ୍ଭ । ଅଧିବେଶନ ଆରମ୍ଭରୁ ବିଧାନସଭା ଗେଟ୍ ଆଗରେ କଂଗ୍ରେସର ଧାରଣା । ମମିତା ମେହେର ହତ୍ୟା ମାମଲାରେ କଂଗ୍ରେସର ଧାରଣା । ମମିତାଙ୍କୁ ନ୍ୟାୟ ଓ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ଦାବିରେ ଆଜି କଂଗ୍ରେସ ବିଧାୟକମାନେ ଧାରଣାରେ ବସିଛନ୍ତି ।
ମମିତା ମେହେରଙ୍କୁ ନ୍ୟାୟ ଓ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ବହିଷ୍କାର ଦାବିରେ ଧାରଣାରେ ବସିଛନ୍ତି ବିଧାୟକମାନେ ।
ଯେଉଁ ଗେଟ୍ ଦେଇ ସବୁ ବିଧାୟକମାନେ ବିଧାନସଭା ଭିତରକୁ ଯାଆନ୍ତି ସେଠି କଂଗ୍ରେସ ବିଧାୟକମାନେ ଧାରଣାରେ ବସିଛନ୍ତି । ଏ ନେଇ ତାରା ପ୍ରାସାଦ ବାହିନିପତୀ ପ୍ରତିକ୍ରିୟା ରଖିଛନ୍ତି, ସେ କହିଛନ୍ତି ବିଧାନସଭା ହେଉଛି ଗୋଟେ ମନ୍ଦିର । ଆକୁ ଅପବିତ୍ର କରିବାକୁ ଦିଆଯିବ ନାହିଁ । ଯେହେତୁ ଦିବ୍ୟଶଙ୍କର ମିଶ୍ର ଘରୋଇ ବିଭାଗର ମନ୍ତ୍ରୀ ଅଛନ୍ତି, ସିଏ ଅପବିତ୍ର ହୋଇଯାଇଛନ୍ତି ।
ସେ ମମିତା ହତ୍ୟା ମାମଲାରେ ଜଡ଼ିତ ଅଛନ୍ତି । ଯେହେତୁ ସେ ଜଡ଼ିତ ଅଛନ୍ତି ତାଙ୍କୁ ବିଧାନସଭା ଭିତରକୁ ପୁରାଇ ଦେବୁନୁ ବୋଲି ଏହି ଧାରଣା ଦିଆଯାଇଛି । କାଳେ ସିଏ ଭିତରକୁ ପଳେଇ ଯିବେ ଆଉ ଏ ପବିତ୍ର ଜାଗାଟି ଅପବିତ୍ର ହୋଇଯିବ ଏ ନେଇ ଆମେ ଧାରଣାରେ ବସିଛୁ । ମନ୍ତ୍ରୀ ଦିବ୍ୟଶଙ୍କରର ମିଶ୍ର ଆସିଲେ ଆମେ ତାଙ୍କୁ ଭିତରକୁ ପୁରାଇ ଦେବୁ ନାହୁଁ । ଆଉ ନବୀନ ବାବୁ କେତେ ଦିନ ତାଙ୍କୁ ଆଉ ଘଣ୍ଟ ଘୋଡ଼େଇ ରଖିବେ ସେଇଟା ଆମେ ପରୀକ୍ଷା କରିବୁ ।
