ସତ୍ୟଶିଖା (ଭୁବନେଶ୍ୱର) ୧୧/୦୧/୨୦୨୧ : ଭୁବନେଶ୍ୱର ପାତ୍ରପଡା ସ୍ଥିତ ପଲିଥିନ୍ କାରଖାନାରେ ଚଢାଉ କରାଯାଇଛି । ଚଢାଉ ବେଳେ ବିପୁଳ ପରିମାଣର ପଲିଥିନ୍ ଜବତ କରିଛନ୍ତି ବିଏମସି ଅଧିକାରୀ । ପୂର୍ବରୁ ମଧ୍ୟ ଏହି କାରଖାନାରେ ଚଢାଉ କରିଥିଲା ବିଏମସି । ସୂଚନାଯୋଗ୍ୟ ଯେ, ଗତ ୨୦୧୮ ଅକ୍ଟୋବର ୨ରୁ ରାଜ୍ୟରେ ପଲିଥିନ୍ ବ୍ୟବହାର ବ୍ୟାନ୍ କରାଯାଇଛି । ପଲିଥିନ୍ ବ୍ୟବହାର ଉପରେ କଟକଣା ଜାରି ହେବା ପରେ ବି ରାଜଧାନୀର ବିଭିନ୍ନ ସ୍ଥାନରେ ଏବେବି ପଲିଥିନ୍ ବ୍ୟବହାର କରାଯାଉଛି । ପ୍ରଶାସନ ପକ୍ଷରୁ ଏନେଇ ବାରମ୍ବାର ବାରଣ କରାଯାଉଥିଲେ ବି ବ୍ୟବସାୟୀ ପଲିଥିନ୍ ବ୍ୟବହାର କରୁଥିବା ଦେଖିବାକୁ ମିଳୁଛି । ରାଜଧାନୀର ବିଭିନ୍ନ ହାଟ, ବଜାର, ସପିଂ ମଲ୍, ଭେଣ୍ଡିଂ ଜୋନରେ ପଲିଥିନ୍ ବ୍ୟବହାର ହେଉଥିବାର ଅଭିଯୋଗ ପରେ ଚଢାଉ କରାଯାଇଥିବା ଜଣାପଡିଛି ।
