

ସତ୍ୟଶିଖା (ଭୁବନେଶ୍ୱର) ୩୧.୦୩.୨୦୨୨: କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲା ଉପରୁ ହଟିବ ପରଦା । କ୍ରାଇମବ୍ରାଞ୍ଚ ତାର ତଦନ୍ତ ଜୋରଦାର କରୁଥିବା ଦେଖିବାକୁ ମିଳୁଛି । ଘଟଣା ଉପରୁ ପରଦା ହଟାଇବାକୁ କ୍ରାଇମବ୍ରାଞ୍ଚ ପକ୍ଷରୁ ଅଭିଯୁକ୍ତଙ୍କୁ ଘନଘନ ଜେରା କରାଯାଉଛି । ଗତ ଦୁଇଦିନ ହେଲା ରିମାଣ୍ଡରେ ଥିବା ୪ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ ଜେରା କରିବା ସହ କ୍ରାଇମ୍ ସିନ୍ ରିକ୍ରିଏସନ୍ କରୁଛି । ତେବେ ଆଜି ମଧ୍ୟ ୨ଟି ଗାଡ଼ିରେ ୪ ଅଭିଯୁକ୍ତଙ୍କୁ କୌଣସି ଏକ ସ୍ଥାନକୁ କ୍ରାଇମବ୍ରାଞ୍ଚ ନେଇଥିବା ଖବର ମିଳିଛି । ତେବେ କ୍ରାଇମବ୍ରାଞ୍ଚ ସେମାନଙ୍କୁ କେଉଁ ସ୍ଥାନକୁ ନେଇଛି ତାହା ଜଣାପଡ଼ିନାହିଁ । ସୂଚନା ମୁତାବକ ମାନସ ହତ୍ୟା ଘଟଣା ଉପରେ ନୂଆ ନୂଆ ତଥ୍ୟ ଯୋଗାଡ଼ କରିବାକୁ କ୍ରାଇମବ୍ରାଞ୍ଚ ଅଭିଯୁକ୍ତଙ୍କୁ କେଉଁ ସ୍ଥାନକୁ ନେଇଥିବା କୁହାଯାଛି । ମିଳିଥିବା ସୂଚନା ଅନୁସାରେ ଆଜି ଅଭିଯୁକ୍ତଙ୍କ କ୍ରାଇମସିନ୍ ରିକ୍ରିଏସନ୍ ହେବନାହିଁ । ଆସନ୍ତାକାଲି ଅଭିଯୁକ୍ତ ମାନଙ୍କ କ୍ରାଇମ୍ ସିନ୍ ରିକ୍ରିଏସନ୍ ହେବ । ଗତକାଲି କ୍ରାଇମବ୍ରାଞ୍ଚ ମୁଖ୍ୟାଳୟରେ ଅଭିଯୁକ୍ତଙ୍କୁ କ୍ରଇମବ୍ରାଞ୍ଚ ଘନଘନ ଜେରା କରିଥିଲା । ମୁଖ୍ୟ ଅଭିଯୁକ୍ତା ଶାର୍ମିଷ୍ଠା କ୍ରାଇମବ୍ରାଞ୍ଚର ପ୍ରଶ୍ନରେ ଘାଇଲା ହୋଇଥିଲେ ।