ସତ୍ୟଶିଖା (ଆଠଗଡ) ୨୮/୧୧/୨୦୨୦ : ଆଠଗଡର ପ୍ରସିଦ୍ଧ ଧବଳେଶ୍ୱର ପୀଠରେ ଆଜି ବଡଓଷା ପାଳନ କରାଯାଉଛି । ଏହି ଅବସରରେ ମହାଦେବଙ୍କଠାରେ ସ୍ୱତନ୍ତ୍ର ଭୋଗ ଲାଗିହୁଏ । ଏହାକୁ କୁହାଯାଏ ଗଜା ପିଠା । ଅରୁଆ ଚାଉଳ ଚୂନାରେ ଏହି ପିଠା ପ୍ରସ୍ତୁତ ହୁଏ । ମହାଦେବଙ୍କୁ ଅର୍ପଣ ପରେ ଭକ୍ତମାନେ ଏହାକୁ ସେବନ କରିଥାନ୍ତି । ବଡଓଷାର ମୁଖ୍ୟପୀଠ ହେଉଛି ଶ୍ରୀ ଶ୍ରୀ ଧବେଳଶ୍ୱର । କୁହାଯାଏ, ବ୍ରହ୍ମାଙ୍କ ଦ୍ୱାରା ଶାପଗ୍ରସ୍ତ ହେବା ପରେ ଦେବରାଜ ଇନ୍ଦ୍ର ଧବଳେଶ୍ୱର ପୀଠକୁ ଆସି ଶାପମୁକ୍ତ ହୋଇଥିଲେ ।
ଆଜି ପବିତ୍ର ବଡ଼ ଓଷା
ମଧ୍ୟରାତ୍ରୀରେ ବାବାଙ୍କ ଠାରେ ଲାଗି ହେବ ଗଜଭୋଗ
ଭକ୍ତଙ୍କୁ ଆସିବା ମନା, କରୋନା କଟକଣା ପାଇଁ ଲାଗିଛି ୧୪୪ ଧାରା
ଯେଉଁଠି ଶ୍ରଦ୍ଧାଳୁଙ୍କ କାର୍ତିକ ମାସ ସାରା ଭିଡ଼ ଲାଗୁଥିଲା ଆଜି ବିନା ଭକ୍ତରେ ପୂଜା ପାଉଛନ୍ତି ବାବା ଧବଳେଶ୍ୱର । କରୋନା କଟକଣା ପାଇଁ ଭକ୍ତଙ୍କୁ ଧବଳେଶ୍ୱର ଯିବାକୁ ବାରଣ କରାଯାଇଛି । ମନ୍ଦିର ପରିସରରେ ପୂର୍ବରୁ ୧୪୪ ଧାରା ଜାରି କରାଯାଇଛି ।
