ଶ୍ରୀନଗର: ଜମ୍ମୁ-କଶ୍ମୀରର କିଶ୍ତିୱାରରେ ଆଜି ଆତଙ୍କବାଦୀମାନେ ଦୁଇ ଜଣ ପୁଲିସ କର୍ମଚାରୀଙ୍କ ଉପରେ କୁରାଢ଼ୀ ଦ୍ୱାରା ହମଲା କରିଛନ୍ତି। ଏଥିରେ ଜଣେ ପୁଲିସ୍ ସହିଦ ହୋଇଥିବା ବେଳେ ଆଉ ଜଣେ ଗୁରୁତର ଭାବେ ଆହତ ହୋଇଛନ୍ତି।
ଆହୁରି ପଢ଼ନ୍ତୁ
ଆଜି ମଧ୍ୟାହ୍ନରେ ଆତଙ୍କବାଦୀମାନେ କିଶ୍ତିୱାର ତହସିଲ ଅନ୍ତର୍ଗତ ଡାଚ୍ଚାନରେ ପୁଲିସ୍ କର୍ମଚାରୀଙ୍କୁ ଆକ୍ରମଣ କରିଥିଲେ। କୁରାଢ଼ୀ ଦ୍ୱାରା ଆକ୍ରମଣ କରିବା ପରେ ଆତଙ୍କବାଦୀମାନେ ସେମାନଙ୍କ ଠାରୁ ଅସ୍ତ୍ର ଛଡ଼ାଇ ନେଇଥିଲେ।
ଏହି ହମଲାରେ ପଶିଦ ଇକବାଲ ସହିଦ ହୋଇଥିବା ବେଳେ ଏଏସଆଇ ବିଶାଲ ସିଂହ ଗୁରୁତର ଆହତ ହୋଇଛନ୍ତି। ପୁଲିସ୍ କହିଛି ଯେ ବସରହତ ହୁସେନ ଓ ତା’ର ସହଯୋଗୀ ଆସିକ ହୁସେନ ଏଭଳି ଆକ୍ରମଣ କରିଛନ୍ତି। ଉଭୟଙ୍କ ଘର ଡାଣ୍ଡେର ଗାଁରେ। ଏବେ ଉଭୟ ଆକ୍ରମଣକାରୀଙ୍କୁ ଧରିବା ପାଇଁ ପୁଲିସ ସ୍ୱତନ୍ତ୍ର ଟିମ ଗଠନ କରି ସର୍ଚ୍ଚ ଅପରେସନ ଆରମ୍ଭ କରିଛି।
