ସତ୍ୟଶିଖା(ଭୁବନେଶ୍ୱର ) ୦୧.୦୨.୨୦୨୨ : ମାଘ ମାସ କୃଷ୍ଣ ପକ୍ଷର ଅମାବାସ୍ୟାକୁ ‘ମୌନୀ ଅମାବାସ୍ୟା’ କୁହାଯାଏ । ହିନ୍ଦୁ ଧର୍ମରେ ଏହାର ବଡ଼ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଶାସ୍ତ୍ର ଅନୁସାରେ ମାଘ ମାସକୁ ଶୁଭ ଭାବରେ ଗ୍ରହଣ କରାଯାଏ । କୁହାଯାଇଥାଏ ଯେ, ଏହି ମାସରେ ବିଷ୍ଣୁଙ୍କୁ ପୂଜାର୍ଚ୍ଚନା କରାଗଲେ ଭଲ ଫଳ ମିଳିଥାଏ । ଦୁଃଖ ଓ ଯନ୍ତ୍ରଣାରୁ ମୁକ୍ତି ମିଳିଥାଏ ।
ଆଜି ଅର୍ଥାତ ୨୦୨୨ ଫେବ୍ରୁଆରୀ ୧ ତାରିଖ (ମଙ୍ଗଳବାର) ମୌନୀ ଅର୍ଥାତ ମାଘ ଅମାବାସ୍ୟା, ଯାହାକି ସାଧାରଣ ଅମାବାସ୍ୟା ଠାରୁ ସ୍ୱତନ୍ତ୍ର । ଆସନ୍ତୁ ଜାଣିବା ଶୁଭ ମୁହୂର୍ତ୍ତ ସଂପର୍କରେ । କୁହାଯାଇଥାଏ ଯେ, ମୌନୀ ଅମାବାସ୍ୟା ଦିନ ପିତୃ ପୁରୁଷଙ୍କୁ ତର୍ପଣ କଲେ, ସେମାନଙ୍କୁ ତୃପ୍ତି ଓ ଶାନ୍ତି ମିଳିଥାଏ । ସେ ଖୁସି ହୋଇ ପରିବାରକୁ ଆଶୀର୍ବାଦ କରିଥାନ୍ତି । ତେଣୁ ଏହି ଦିନରେ ନଦୀକୁ ଯାଇ ପିତୃପୁରୁଷଙ୍କୁ ତର୍ପଣ କରାଯିବାର ପରଂପରା ରହିଛି । ଏହି ଦିନରେ ଦାନ କଲେ ବହୁତ ଶୁଭ ହୋଇଥାଏ । କୁଣ୍ଡଳୀ ଦୋଷ କ୍ଷୟ ହୋଇଥାଏ । ପିତୃପୁରୁଷଙ୍କୁ ତର୍ପଣ କରାଯିବା ପରେ ଭଗବାନ ବିଷ୍ଣୁଙ୍କୁ ପୂଜା ଓ ଏହା ପରେ ଦାନ କରାଯାଇଥାଏ ।
-ବିଳମ୍ବିତ ସମୟ ଯାଏଁ ଶୋଇବା ମନା । ଶୀଘ୍ର ଉଠି ପବିତ୍ର ନଦୀରେ ବୁଡ଼ ପକାଇଲେ ଭଲ । ସ୍ନାନ ସମୟରେ ସୂର୍ଯ୍ୟଙ୍କୁ ଅର୍ଘ୍ୟ ଦେବା ଜରୁରୀ । ସ୍ନାନ ପୂର୍ବରୁ ମୌନ ରହିବା ଉଚିତ ।
-ଅମାବାସ୍ୟା ଦିନ ଶ୍ମଶାନ ଘାଟ, କବ୍ରିସ୍ତାନ ତଥା ଏହାର ଆଖପାଖରେ ବୁଲିବା ମନା ।
-ଅମାବାସ୍ୟାରେ ସଂଯମ ରକ୍ଷା କରିବା ଉଚିତ । ଗରୁଡ ପୁରାଣ ଅନୁସାରେ ଅମାବାସ୍ୟାର ମିଳନରେ ଜନ୍ମ ହୋଇଥିବା ସନ୍ତାନକୁ ସୁଖ ପ୍ରାପ୍ତି ହୋଇ ନଥାଏ ।
-ଅମାବାସ୍ୟାରେ ଘରର ପରିବେଶ ଶାନ୍ତି ରହିଲେ ଭଲ । ଘରୋଇ କଳିରୁ ନିବୃତ୍ତ ରହିବା ଦରକାର ।
-ଅମାବାସ୍ୟାରେ ପିପଳର ପୂଜା କଲେ ଶୁଭ ହୋଇଥାଏ । ଶନିବାର ବ୍ୟତୀତ ଅନ୍ୟ ଦିନରେ ପିପଳକୁ ଛୁଇଁବା ମନା । ଏହା ଦ୍ୱାରା ଧନହାନୀ ହୋଇଥାଏ ।
