ଦେଶର ପ୍ରଥମ ପ୍ରଧାନମନ୍ତ୍ରୀ ଭାବେ ମିଳିତ ଜାତିସଂଘ ସୁରକ୍ଷା ପରିଷଦର ଅଧ୍ୟକ୍ଷତା କଲେ ମୋଦି

ନୂଆ ଭାରତ ବିଶ୍ବର ନେବ ନେତୃତ୍ବ । ବିଶ୍ବର ସବୁଠାରୁ ଶକ୍ତିଶାଳୀ ପରିଷଦ ଜାତିସଂଘ ସୁରକ୍ଷା ପରିଷଦରେ ସମୁଦ୍ର ସୁରକ୍ଷା ଉପରେ ଆୟୋଜିତ ଓପନ ଡିବେଟକୁ ଭର୍ଚୁଆଲ ମାଧ୍ୟମରେ ଅଧ୍ୟକ୍ଷତା କରିଛନ୍ତି ପ୍ରଧାନମନ୍ତ୍ରୀ । ଆଉ ଏପରି କରିବାରେ ଭାରତ ପ୍ରଥମ ପ୍ରଧାନମନ୍ତ୍ରୀ ହୋଇଛନ୍ତି ମୋଦି । ବିଶ୍ବ ଦରବାରରେ ସମୁଦ୍ରର ସୁରକ୍ଷା ପାଇଁ 5 ସୂତ୍ର ଦେଇଛନ୍ତି ମୋଦି । ଆଇନ ସମ୍ମତ ବ୍ୟବସାୟରେ ଥିବା ପ୍ରତିବନ୍ଧକୁ ହଟାଇବା। ସମୁଦ୍ର ବିବାଦର ଶାନ୍ତିପୂର୍ଣ୍ଣ ଏବଂ ଅନ୍ତରାଷ୍ଟ୍ରୀୟ ନିୟମର ଆଧାରରେ ହେବା ଦରକାର। ସମୁଦ୍ରିକ ବିପଦ ସହ ମିଳିମିଶ ଲଢିବା ଦରକାର। ସମୁଦ୍ରିକ ପରିବେଷକୁ ସୁରକ୍ଷିତର ଏବଂ ସଂଶଧାନ ଗୁଡିକୁ ସଂରକ୍ଷିତ କରି ରଖିବା ଦରକାର । ଏହାସହ ଦାୟିତ୍ବପୂର୍ଣ୍ଣ ସମୁଦ୍ର ସମ୍ପର୍କରୁ ପ୍ରୋତ୍ସାହନ କରିବା ଉପରେ ଗୁରୁତ୍ବ ଦେଇଛନ୍ତି ପ୍ରଧାନମନ୍ତ୍ରୀ।

ପରିଷଦକୁ ସମ୍ବୋଧିତ କରି ମୋଦି କହିଛନ୍ତି, ଆଜି ଆତଙ୍କୀ ଘଟଣା ଏବଂ  ସମୁଦ୍ର ଲୁଟ ପାଇଁ ସମୁଦ୍ର ରାସ୍ତାର ବ୍ୟବହାର ହେଉଛି । ସମୁଦ୍ରିକ ବ୍ୟବସାୟକୁ ବଢାଇବା ପାଇଁ ଭିତ୍ତିଭୂମି ଗୁଡିକୁ ବଢାଇବା ଜରୁରୀ ବୋଲି ପ୍ରଧାନମନ୍ତ୍ରୀ କହିଛନ୍ତି।