ନୂଆଦିଲ୍ଲୀ: ଦେଶରେ ହୁ ହୁ ହୋଇ ବଢ଼ୁଛି କରୋନା ଆକ୍ରାନ୍ତଙ୍କ ସଂଖ୍ୟା। ରବିବାର ୧୯ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ସୂଚନା ରହିଛି। ଆଜି ୧୨ଟା ସୁଦ୍ଧା ୧୦୭ ଜଣ କରୋନାରେ ଆକ୍ରାନ୍ତ ହୋଇଥିବା କହିଛି ସ୍ୱାସ୍ଥ୍ୟ ମନ୍ତ୍ରଣାଳୟ। ଏହି ମହାମାରୀରେ ଏଯାଏ ୨ ଜଣଙ୍କର ମୃତ୍ୟୁ ଘଟିଛି। ଅନ୍ୟ ଜଣେ କରୋନାରେ ମୃତ୍ୟୁ ବରଣ କରିଥିବା ସନ୍ଦେହ କରାଯାଉଛି।
ଆହୁରି ପଢ଼ନ୍ତୁ
ଶନିବାର ସୁଦ୍ଧା ସାରା ବିଶ୍ୱରେ କରୋନାରେ ୫ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ସେହିପରି ଆକ୍ରାନ୍ତଙ୍କ ସଂଖ୍ୟା ୧୫୦,୦୦୦ରୁ ଅଧିକ ରହିଛି। ମୋଟ୍ ୧୩୭ଟି ଦେଶରେ ଶନିବାର ସୁଦ୍ଧା ୫,୭୬୪ ଜଣଙ୍କର ଏହି ମହାମାରୀରେ ମୃତ୍ୟୁ ଘଟିଥିବା ସୂଚନା ରହିଛି।
ଚୀନ ପରେ ଇଟାଲୀରେ କରୋନାରେ ଅଧିକ ଆକ୍ରାନ୍ତ ରହିଥିବା କୁହାଯାଉଛି। ଶନିବାର ଦିନ କେବଳ ୩,୪୯୭ ଜଣ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି।
