ଆଇପିଏଲ ଇତିହାସର ୭ ଶ୍ରେଷ୍ଠ ପାୱାର ପ୍ଲେ ବୋଲର ବାଛିଲେ ଏହି କ୍ରିକେଟର


ନୂଆଦିଲ୍ଲୀ: ଆଇପିଏଲର ଶ୍ରେଷ୍ଠ ୭ ପାୱାର ପ୍ଲେ ବୋଲର ବାଛିଛନ୍ତି ଅଷ୍ଟ୍ରେଲିଆର ପୂର୍ବତନ କ୍ରିକେଟର ବ୍ରାଡ ହଗ। ସେ ଟ୍ୱିଟର ଜରିଆରେ ୩ ଦ୍ରୁତ ବୋଲର, ୩ ସ୍ପିନର ଓ ଜଣେ ଅଲରାଉଣ୍ଡର ଚୟନ କରିଛନ୍ତି। ଏହି ୭ ଖେଳାଳି ଆଇପିଏଲର ପାୱାର ପ୍ଲେରେ ଶ୍ରେଷ୍ଠ ବୋଲିଂ କରିପାରିବେ ବୋଲି ହଗ କହିଛନ୍ତି।
ଟ୍ୱିଟରରେ ସେ ଏକ ଭିଡିଓ ପୋଷ୍ଟ କରି ଆଇପିଏଲର ସର୍ବକାଳୀନ ୩ ଶ୍ରେଷ୍ଠ ଦ୍ରୁତ ବୋଲର ଭାବେ ଭାରତର ଜାହିର ଖାନ, ମୁନାଫା ପଟେଲ ଓ ଦକ୍ଷିଣ ଆଫ୍ରିକାର ମୋନି ମର୍କେଲଙ୍କୁ ବାଛିଛନ୍ତି। ସେହିପରି ସେ ପାୱାର ପ୍ଲେର ଶ୍ରେଷ୍ଠ ୩ ସ୍ପିନର ଭାବେ ୱେଷ୍ଟଇଣ୍ଡିଜର ସୁନୀଲ ନାରିନ, ରବିଚନ୍ଦ୍ରନ ଅଶ୍ୱିନ ଓ ହରଭଜନ ସିଂହଙ୍କୁ ବାଛିଛନ୍ତି। ଏକାମାତ୍ର ଅଲରାଉଣ୍ଡର ଯିଏ ପାୱାରରେ ଭଲ ବୋଲିଂ କରିପାରିବେ, ସେ ହେଉଛନ୍ତି ଅଷ୍ଟ୍ରେଲିଆର ଶେନ ୱାଟଶନ।
Righty-o legends, bringing you the first episode of the ‘BEST of the IPL’ series for bowlers now. We’re looking at the best in the business in IPL history – in the powerplay phase of course.
Any surprises? Any names I’ve missed out? Let me know in the comments. pic.twitter.com/rzWnbdrmtF
— Brad Hogg (@Brad_Hogg) April 11, 2020
ଆହୁରି ପଢ଼ନ୍ତୁ
ଏମାନେ କାହିଁକି ଶ୍ରେଷ୍ଠ ସେକଥା ମଧ୍ୟ ହଗ ଭିଡିଓ ଜରିଆରେ କହିଛନ୍ତି। ଜାହିର ଖାନ ଆଇପିଏଲରେ ୪୦ଟି ୱିକେଟ ନେଇଥିବା ବେଳେ ତାଙ୍କ ଇକୋନୋମି ରେଟ ୭.୦୪ ରହିଛି। ମୁନାଫ ପଟେଲ ୨୭ଟି ୱିକେଟ ନେଇଥିବା ବେଳେ ତାଙ୍କ ଇକୋନୋମି ୭.୦୩ ରହିଛି। ମୋନି ମର୍କେଲ ୩୫ଟି ୱିକେଟ ନେଇଥିଲେ ହେଁ ତାଙ୍କ ଇକୋନୋମି ରେଟ ୭.୪୭।
୩ ସ୍ପିନରଙ୍କ କଥା ବିଚାରକୁ ନେଲେ, ନାରିନ ଓଭର ପିଛା ୫.୯୮ ହାରରେ ରନ ଦେଇ ୨୪ ୱିକେଟ ନେଇଛନ୍ତି। ଅଶ୍ୱିନ ୬.୫୭ ହାରରେ ରନ ଦେଇ ୨୮ଟି ୱିକେଟ ନେଇଛନ୍ତି। ହରଭଜନ ସିଂହ ୨୫ଟି ୱିକେଟ ନେଇଥିଲେ ହେଁ ତାଙ୍କ ଇକୋନୋମି ରେଟ ୭.୩୧ ରହିଛି। ଶେନ ୱାଟସନ ୩୨ଟି ୱିକେଟ ନେଇ ଓଭର ପିଛା ୭.୧୮ ହାରରେ ରନ ଦେଇଛନ୍ତି।
[ad_2]