ଅଜିୱାଲ: ପୂରା ଦେଶରେ ଆଜିଠାରୁ ଅନଲକ-୧ ଲାଗୁ ହୋଇଥିବା ବେଳେ ମିଜୋରାମ କିନ୍ତୁ ନୂଆ ନିଷ୍ପତ୍ତି ନେଇଛି। ହଠାତ୍ ରାଜ୍ୟରେ ସଂକ୍ରମଣଙ୍କ ସଂଖ୍ୟା ବଢ଼ୁଥିବାରୁ ସରକାର ଆଜି ରାତି ୧୨ଟାରୁ ୨ ସପ୍ତାହ ଯାଏ ପୂର୍ଣ୍ଣକାଳୀନ ଲକଡାଉନ ଲାଗୁ କରିଛନ୍ତି।
ଆହୁରି ପଢ଼ନ୍ତୁ
ଏହାର ଅର୍ଥ କେବଳ ଜରୁରୀ ସେବାକୁ ଛାଡ଼ି ଦେଲେ ଆଉ ସବୁ କାର୍ଯ୍ୟକଳାପ ବନ୍ଦ ରହିବ। ରାଜ୍ୟରେ ୪୧ ପଜିଟିଭ କେସ ଆସିବାରୁ ମୁଖ୍ୟମନ୍ତ୍ରୀ ଜୋରାମଥଙ୍ଗ ଏକ ଜରୁରୀ ବୈଠକ ଡାକିଥିଲେ। ଏହି ବୈଠକରେ ୨ ସପ୍ତାହ ପାଇଁ ପୂର୍ଣ୍ଣକାଳୀନ ଲକଡାଉନ ଲାଗୁ କରିବାକୁ ନିଷ୍ପତ୍ତି ହୋଇଛି।
ସେହିପରି କ୍ୱାରେଣ୍ଟାଇନ ଅବଧିକୁ ମଧ୍ୟ ରାଜ୍ୟ ସରକାର ୧୪ ଦିନରୁ ୨୧ ଦିନକୁ ବୃଦ୍ଧି କରିଛନ୍ତି। ବାହାର ରାଜ୍ୟରୁ ମିଜୋରାମକୁ ଲୋକମାନେ ଆସୁଥିବାରୁ ସରକାର ଏଭଳି ନିଷ୍ପତ୍ତି ନେଇଥିବା କଥା କହିଛନ୍ତି।
